الأسئله الإستفزازيه // واجب تدويني..

      السلام عليكم ورحمه الله وبركاته

اليوم جاني واجب تدوين من اختي الغاليه ::

حرير الديم صاحبه مدونه حلم من حرير

هو اول واجب يوصلني فحبيت اجاوب عليه

كان الواجب بيقول::

اخواني اخواتي الأعزاء هل انت/انتي من النوع الذي يحب
التدخل في شؤون الاخرين؟

انا بنت هادئه في حالي ما احب اسأل اي احد اي سؤال الا اذا كان بيهمني

او استفسارات بسيطه بعيده جدا عن الخصوصيه

فما اعتقد اني من هذا النوع .. حتى الناس اللي اقدر اقول انهم متطلفين

ويحبو يعرفو اسرار البيوت وينشرونها بعد ماهم حاسين ولا بيعترفون انهم

يتدخلون في خصوصيات الغير..

بعض الناس تسآل آسئلة خاصة جدآ وتتدخل في خصوصيات الآخرين برآيك

ماهي أكثر الأسئلة التي ممكن ان تستفزك؟

*اكثر شي يستفزني اللي تجي تسألني سؤال وهو عارفه الإجابه اصلا<< يعني

تستغبي >> مررررره تنفقع مرارتي

*او اللي تسالني عشان تطلع مني كلام يعني تستغفلني.. وبكره نزعل من بعض

تمسكها علي ...كمان هي مكشوفه

*واللي تسألني كم مصروفك ؟ من جد لقافه

*واللي تسألني انتي ما تملين من الكميوتر؟ايش تسوين فيه؟ من متى وانتي جالسه؟

اففففففف مره يرتفع ضغطي

*كمان ما احب احد يسالني وانا مشغوله ؟؟

*واللي تسالني ليش انتي نحيفه كذا عسى ما تاكلين ؟

* واذا طلعنا مع الأهل لقينا الجيران عيونهم علينا ها فين بتروحو ايش هاللقافه  
وما احب التصنع ولا المجاملات

تقربيا هذي اكثر اشياء تستفزني..

احول الواجب الى مدونات اخرى,,

سكتشات

scriibles

يوتي

رشــــــا

تشـــــــــــــــاو